喰楽

营业中

休息中

一直都好想试吓食寿喜烧，除咗可以品尝高质牛肉，亦想体验一下呢种即席烹煮嘅传统料理。餐厅总共有ABC三款餐，我哋拣咗价钱较贵嘅C餐和牛盛宴，可以试晒AB餐嘅牛肉款式。前菜有和牛寿司🍣吉列和牛粒，沙律🥗。和牛寿司好好食，口感柔嫩，口感似食鱼生，但又有牛肉嘅油香野菜拼盘好有心思，有成十款新鲜蔬菜菇类，可以食到多啲款式。同样肉类都系，一盘肉里面，已经包含咗多款不同部位嘅牛肉，非常用心。店员纯熟地将一片片牛肉同蔬菜放入锅里，倒入寿喜烧汁，煮好再夹喺我哋嘅碗里。就系咁样，一边煮一边食，系视觉、听觉、嗅觉、味觉嘅全方位享受不自觉地会专注品尝每一款食物，真系一个好特别嘅体验。讲返食物，令我最难忘嘅系沙巴当，即系上肩里脊肉，油花多而均匀，肉味浓，肉汁丰富，食落口系好嫩，完全冇渣。肉眼都好好食，油脂丰富，有油筋，肉味香浓。蔬菜方面，菇类好香，而且所有蔬菜都用甜甜嘅寿喜烧汁煮过，全部都好甜好入味。本身配埋白饭同生鸡蛋，已经食到饱饱地，但都不得不试埋最后嘅湿炒饭最后食埋个豆腐味雪糕，完美作结。