掌壽司 (已結業)

平时lunch会拣四十蚊左右嚟食，今日食左个百几蚊嘅刺身定食嚟舒缓情绪不适，食完心情好转，所以得闲豪下，令自己开心，都系值得既！唔系第一次嚟，但每次都好钟意欣赏个罩入面嘅雕刻图案吃不到的是日推介是最好吃的两点嚟到已经卖晒⋯⋯唯有拣午餐定食啦！都好吸引每个定食套餐都跟前菜、茶碗蒸（即系蒸蛋）、蚬肉味噌汤、甜品及是日特饮。甜品系雪米糍，是日特饮系冷萃柠檬冰茶。刺身定身定食好丰富下，前菜系杂菜沙律，蚬肉味噌汤唔会过咸，茶碗蒸调味适宜，滑滑的～～哇～～～～好肥美呀，每件刺身都系厚切！有六款刺身，帆立贝、牡丹虾、三文鱼、金目鲷、油甘鱼同拖罗。食刺身首先唔点豉油，尝鱼本身的鲜甜味，之后再点少少豉油，提升鲜味～尤其系件拖罗，入口半溶，油香满溢，正到不行～净系食碟刺身已经好满足，但既然佢跟咗个饭我都要食，唔好浪费食物。个饭都唔错㖞，软熟带点黏度七色丼朋友嘅七色丼，都唔输蚀，有佢至爱嘅海胆，佢都食到好满足～是日特饮-冷萃柠檬冰茶开头唔知，以为冰茶系有冰，叫小冰，跟著侍应话系无冰既一笑置之平常茶记的柠茶胆都几浓，柠檬放久了会苦涩，这杯冷萃茶的柠檬味及茶味都淡淡的，没有苦涩，而且无糖，喝下很清新～#食得开心