King's & Queen's 冰室 (已結業)

因为假期同家人去郊区行下，所以之后去咗西贡King & Queen冰室食晚饭。 呢度 上午同中午就系做西式餐品，夜晚就做中式餐品， 我哋点咗杏汁白肺汤、枝竹炆鹅乸、鸳鸯炒饭、椒盐鲜鱿、三色咕噜肉、瑶柱扒豆苗。 个杏汁白肺汤好有杏仁味而且材料十足，饮完都觉得喉咙好滋润，而且入面啲津白好好味。 支竹炆鹅乸味道浓郁，有南乳味而且炆得好冧，支竹、冬菇好入味，啲鹅肉好滑， 店长话用鹅乸煮啲肉系比较嫩，市面上好少机会食到。 椒盐鲜鱿超香脆，而且一咬落去啲鱿鱼超新鲜，有啲鱿鱼汁流出嚟，店长话椒盐鲜有系佢哋招牌菜之一，因为啲鱿鱼系每日新鲜攞返嚟。 三色咕噜肉就系咕噜肉另配三种酱料上， 𠮶三种配料分别系甜酸酱、泰国辣酱、同埋用新鲜生果蓉打出嚟嘅生果酱，你钟意边只味就自己点𠮶只味嚟食，都几特别。 鸳鸯炒饭同瑶柱扒豆苗就一贯水准，但份量就比较大，个鸢鸯炒饭计埋都有成六碗饭，绝对抵食！