享樂烘焙

营业中

休息中

其实我住得距离新蒲岗唔系好近，但系有时得闲有嘢做要出新蒲岗嘅时候就会超期待，因为有享乐烘焙好想买面包！！！我一直以来成日都买黑眼豆豆，佢系朱古力面包入边包住朱古力酱，如果拎返屋企叮热啲嚟食嘅话入边会变咗流心，好好味！！但系我啲屋企人就唔系太钟意，觉得佢偏甜。另外我又系超钟意食明太子麻糬烧，入边有烟韧嘅麻糬！今日难得搞搞新意思，想试吓另外一啲面包~~今次买咗：(唔好意思我唔系好记得啲名)✨明太子米卷：好味！明太子酱好足！面包入边落咗米粉，所以好有米香。✨芝士条：好味！上面有少少沙律酱，所以成个面包食落咸咸甜甜。享乐嘅面包真系唔会令人失望，但对我来讲价钱有少少贵XD 不过呢啲嘢一分钱一分货啦！