影片
更多
2017-02-07
772 浏览
如果喺抹茶控，嚟到晌日本京都有二百多年历史嘅「京林屋」一定惊喜若狂，虽然小弟未喺去到抹茶控嘅境地，但一直想嚟京林屋好耐，因为好想试一试佢个林屋抹茶芭菲，不过，之前两次都见好多人排队，就打消帮衬嘅念头。是夜，因为要落铜锣湾拎糕，就顺便睇睇多唔多人，见难得门口无人排队，就一圆食佢抹茶芭菲之愿。由门面、门口柜位开始，见到好多京林屋嘅抹茶产品，虽然都喺模型，但就做得栩栩如生，睇见都吸引。上文话门口唔见人排队，入到去，无论和座定普通座，原来座无虚席咁滞。小弟得一支公，当然好易摄到个位。整间店虽然装修简约，但一室木系，加上两组和座，白色花花天花布置，简朴优雅，已够特别。大大本餐牌，图文并茂，中英日文有齐，方便游客。但不得不温提一句，店家设有最低消费，就喺每位客人需点选一杯饮品或一客食品，用餐时间亦有限制，和座为60分钟，定普通座为90分钟，并设有加一服务费。焙茶沙冰雪糕 $58因为一早已目标好林屋抹茶芭菲，所以，饮品就想试试焙茶系，有冷热焙茶（焙茶朝薰）、桃味焙茶、焙茶牛奶、焙茶沙冰、焙茶牛奶忌廉、焙茶沙冰雪糕等等，因为打算食个热嘅抹茶荞麦面，所以，就拣选焙茶沙冰雪糕，只比焙茶沙冰贵$10，又同时
由门面、门口柜位开始，见到好多京林屋嘅抹茶产品，虽然都喺模型，但就做得栩栩如生，睇见都吸引。
上文话门口唔见人排队，入到去，无论和座定普通座，原来座无虚席咁滞。小弟得一支公，当然好易摄到个位。整间店虽然装修简约，但一室木系，加上两组和座，白色花花天花布置，简朴优雅，已够特别。
大大本餐牌，图文并茂，中英日文有齐，方便游客。但不得不温提一句，店家设有最低消费，就喺每位客人需点选一杯饮品或一客食品，用餐时间亦有限制，和座为60分钟，定普通座为90分钟，并设有加一服务费。
焙茶沙冰雪糕 $58因为一早已目标好林屋抹茶芭菲，所以，饮品就想试试焙茶系，有冷热焙茶（焙茶朝薰）、桃味焙茶、焙茶牛奶、焙茶沙冰、焙茶牛奶忌廉、焙茶沙冰雪糕等等，因为打算食个热嘅抹茶荞麦面，所以，就拣选焙茶沙冰雪糕，只比焙茶沙冰贵$10，又同时试到佢嘅焙茶沙冰及焙茶雪糕，一举两得。
杯沙冰打得算几幼细，焙茶味又甘香、又有余韵，够晒冰凉，真喺一啖热辣辣嘅荞麦面，一啖冰冰冻嘅焙茶沙冰，感觉好爽；而个焙茶雪糕既有奶香，口感柔滑细腻，唔太甜，抵饮。去到临尾，留番少少雪糕，打溶入啲沙冰度，变成奶昔，又会有唔同嘅感觉！
焙茶沙冰雪糕
$58
22 浏览
1 赞好
0 留言
抹茶荞麦面有热食，有冷食，同样都喺卖$78，其实，京林屋嘅食事选择唔太多，除两款荞麦面，剩低嘅选择就只有冷或热食嘅赞岐乌冬及稻庭面。
热汤嘅抹茶荞麦面佐以一小碟腌萝卜，好爽脆，而面内伴有本菇、萝卜蓉及紫菜，配以淡味嘅酱油汤底，令个荞麦面显得更翠绿。荞麦面食得出抹茶味轻轻渗出，唔会话好强，但胜在有咬口，沾上萝卜蓉引出萝卜嘅清甜。
林屋抹茶芭菲 $88甜点绝对喺京林屋嘅强项，嚟到唔食甜点，好似枉你嚟过咁。由冬日限定、甜汤、布丁、蕨饼、雪糕、冰品、芭菲、蛋糕、卷蛋……等等，一应俱全。
芭菲吸引之处，就喺将（由下而上）抹茶蕨饼、糖渍白桃、忌廉、抹茶软雪糕、红豆蓉、抹茶啫喱、白玉丸子及抹茶雪糕一层又一层放埋一齐，好睇就唔在讲，一次过试到咁多嘢食，对甜品迷嘅小弟就实满足死啦。抹茶雪糕甘苦细致，白玉丸子软糯烟韧，抹茶啫喱口感QQ，红豆蓉清香不腻，抹茶软雪糕香浓软滑，糖渍白桃清甜软腍，抹茶蕨饼柔滑不涩，真不愧为店家最受欢迎嘅甜点。
林屋抹茶芭菲
$88
16 浏览
1 赞好
0 留言
老店即喺老店，京林屋自有其个人之处，抹茶菜式，无论食事、甜点、饮品都层出不穷，睇完一次餐牌，我都讲唔到咁多，今晚所品尝嘅几样嘢，就算唔喺一鸣「京」人，都绝对有「京」喜。
张贴
