金公館 (康怡廣場北座)

营业中

休息中

今晚嚟到太古康怡广场嘅金公馆，一次过尝试吓京川粤菜。头盘叫咗个鸡丝粉皮，胡麻鲜淮山，仲有我最钟意嘅椒盐九肚鱼，质素都唔错，特别系椒盐九肚鱼，炸粉唔会太厚，九肚鱼味突出。之后再叫咗个灵芝菇莴笋丝，我从来未食过呢一种菜，感觉好新鲜。然后，就系今晚嘅主角烤北京填鸭半只，北京填鸭皮脆，肉厚，唔会太多肥膏，正合我心意。特别钟意有桂花嘅酱，甜甜地，好适合。今日特别想食甜品，好彩中餐厅嘅甜品都唔错，我哋叫咗雷沙汤丸，入面热辣辣嘅芝麻超级好味，又叫咗杞子桂花糕同桂花冰粉，特别适合而家越嚟越热嘅天气。