京林屋 (已搬遷) 新店位置

早几日同几位朋友0系希慎食完晚饭，见时间早早地，京林屋又唔洗排队，大家可以坐低食甜品，兼倾多一阵计，于是就入左去！我地每人叫左一个甜品～♥ 焙茶馅蜜 ♥京林屋系焙茶始祖，所以一定要点呢个！焙茶雪糕味道比抺茶较淡，不过配上红豆、白玉同寒天就好有口感 =]如果钟意食得甜D，可以加番少少侧边既黑糖酱，味道会更好～ ♥玉露 - 红豆白玉 ♥入口有玉露独特既甘甜香味，饮用过既茶叶，还可以配柚子酱品尝。玉露精选配有蕨饼、红豆、白玉作组合，享用高级甜点后，再饮用玉露，系好特别既体验，非常值得一试。PS. 听职员讲，玉露系日本属于非常高级既茶种，产量极少，而且营养价值非常高 =] ♥ 特制林屋抺茶馅蜜 ♥超中意烟烟韧韧既蕨饼！！当蕨饼配上小丸子、红豆，再加埋抹茶味浓郁既果冻同香滑抺茶雪糕，口感非常丰富！ ♥ 法式圣马克抺茶蛋糕 配玫瑰苹果煎茶 ♥圣马克抺茶蛋糕外表好有层次感，食上口味道有多重口感，质地好扎实，唔会松软；而抹茶味都相当突出，配上红豆、mochi 同抹茶雪糕，一次过满足好多愿望～ 呢个法式圣马克抺茶蛋糕有得跟餐，朋友配上玫瑰苹果煎茶～茶具设备十分齐全，附上指示教大家点泡茶，而且仲附有计时器