京滬村 (已結業)

放假当然系要悠闲啦，朋友话行完南生围出返黎食野，叫我带佢去，我话附近有好多餐厅，佢就拣左呢间食中菜既餐厅。黎到呢间京沪餐厅，当然要试佢地既京葱爆牛肉啦，京葱系炒得非常香，而牛肉炒得嫩滑之外仲将京葱味入晒肉，野味到流晒口水呀，另外仲配埋薄饼添，包埋一齐黎食，薄饼够薄薄地，将牛肉汁同京葱汁包起晒，食起上黎口感更丰富。跟住又点少得小笼包呢，一笼有四只，一夹上黎已经见到汤汁积晒系包里面，睇落唔错，一咬就知汤汁够晒多，真系小心辣咀，汤汁同猪肉混合埋一齐，加上小笼包皮薄，口感一流，点埋份醋就真系岩晒啦。最后仲有云吞担担面，担担面面底够弹牙又入味，汤底既少量辣味加上麻酱，系经典既配搭，仲有云吞皮够滑，肉就够厚，食起上黎同份担担面好夹，值得一试。