京林屋 (明宮閣) (已結業)

收工行咗阵太古城后，晚饭想揾特别少少嘅嘢食，于是揾到京林屋。此店以抹茶、焙茶及相关甜品作主打，亦有各款日式定食。环境干净企理，十分舒适。先来热茶。葡萄煎茶离远已闻到果香，焙茶朝薰口感清爽，老少皆宜。由正餐到甜品都有靓茶清清肠胃，非常爽。教埋你点冲。老婆叫嘅鲭鱼定食，我试咗少少，咸度恰到好处，好味。而我就叫咗京式鳗鱼饭。鳗鱼够肥美，但个饭食落又唔溜㖞，不愧系招牌菜。食完饭食，上甜品！焙茶芝士蛋糕，无论蛋糕定雪糕都有回甘茶味呢～林屋抹茶芭菲，睇个样都觉得开心啦，原来抹茶雪糕球下面又有抹茶软雪糕，双重抹茶享受，好香好滑呀～又系开心嘅一餐，京都口味好嘢～