影片
更多
2023-03-27
205 浏览
因为朋友介绍，加上呢排工作压力大，千零蚊食个日式靓料理犒赏自己都唔过份。Ozakaya位于湾仔修顿球场后的当眼位置，装修似西式多过日式，感觉偏Chill。我哋𠮶晚食嘅系日式创作料理，唔单止卖相道道都靓到爆灯，而且每一味嘅味道明显都系经师傅专心调教过，绝对系味蕾盛宴之夜。1. 刺身鱼渍 Sorry，唔记得咗呢个系咩刺身，但老实个刺身质地我唔系咁Ok，但系个味道我十分欣赏，有啲油香之余，仲有种好清新怡人嘅酸甜味，茗荷嘅味道同个刺身好夹，成件事令人好开胃，系个好嘅开始。2. 日本蚝呢个日本蚝真系冇得顶，清新鲜甜到不得了，蚝味又浓；就算上面加咗三文鱼子，都一啲抢唔走𠮶阵浓郁嘅蚝味，而个青柚沙冰同紫苏油，更加令到成个清新嘅层次更上一层楼，颜色方面亦令人食指大动。3. 季节刺身四款刺身师傅虽然有介绍，但坦白讲有一件唔记得系咩，其余系Toro、深海池鱼同䲠鱼，四样刺身都唔使讲，上佳水准，其实䲠鱼系第一次食，味道好香口，尤其佢炙过块鱼皮，但油香味就更加出色，加上肉身劲厚，食完呢四款刺身已经好饱肚。 4. 北海道粟米油扬呢个选料绝对上乘，皆因𠮶个粟米系清甜到好似浸完糖水咁，但系个甜味系劲天然之余又劲清新
Ozakaya位于湾仔修顿球场后的当眼位置，装修似西式多过日式，感觉偏Chill。
我哋𠮶晚食嘅系日式创作料理，唔单止卖相道道都靓到爆灯，而且每一味嘅味道明显都系经师傅专心调教过，绝对系味蕾盛宴之夜。
1. 刺身鱼渍
Sorry，唔记得咗呢个系咩刺身，但老实个刺身质地我唔系咁Ok，但系个味道我十分欣赏，有啲油香之余，仲有种好清新怡人嘅酸甜味，茗荷嘅味道同个刺身好夹，成件事令人好开胃，系个好嘅开始。
2. 日本蚝
呢个日本蚝真系冇得顶，清新鲜甜到不得了，蚝味又浓；就算上面加咗三文鱼子，都一啲抢唔走𠮶阵浓郁嘅蚝味，而个青柚沙冰同紫苏油，更加令到成个清新嘅层次更上一层楼，颜色方面亦令人食指大动。
3. 季节刺身
四款刺身师傅虽然有介绍，但坦白讲有一件唔记得系咩，其余系Toro、深海池鱼同䲠鱼，四样刺身都唔使讲，上佳水准，其实䲠鱼系第一次食，味道好香口，尤其佢炙过块鱼皮，但油香味就更加出色，加上肉身劲厚，食完呢四款刺身已经好饱肚。
4. 北海道粟米油扬
呢个选料绝对上乘，皆因𠮶个粟米系清甜到好似浸完糖水咁，但系个甜味系劲天然之余又劲清新㖞。
5. 海胆多士＋松露酱
首先佢个海胆好甜好新鲜，又Creamy，又浓郁啦；然后最估唔到嘅，系佢底下𠮶旧面包都好香，基本上佢具备咗面包能够释放出嚟香味嘅最高境界，食落口系满口牛油面包嘅香味，仲要一边好Cream、一边好香脆，真系劲夹嘅「矛盾」位。
6. 烟熏油渍萤乌贼
呢一味一定要赞，首先一上到枱打开盖，𠮶阵烟熏香味已经令小妹食欲大振，因为本人好Buy烟熏食物。然后原以为呢只萤乌贼系平时喺寿司郎食开嘅「咸香腥」味，但偏偏佢唔系㖞，反而只系好Subtle嘅鱿鱼味。咁呢味嘢到底食咩呢？系食佢嘅调味，佢个底原来系用Cream加豆浆煮出嚟，难怪食落口有一种唔知边度嚟嘅奶香甜味，我哋原本以为满口嘅山葵味道都系嚟自白色个汁，原来又错，系嚟自啲三文鱼子，佢哋每粒都浸过山葵水，个味道夹到不得了，总之食过唔少日式特色料理嘅我，都畀佢惊艳到。
7. 天妇罗 Standard
8. 甘鲷立鳞烧 甜椒味噌
呢个主菜我爱与痛的边缘咗好耐，就系到底和牛好定立鳞烧好，最终决定食鱼。而呢个鱼真系冇令我失望，佢个皮炸得相当相当香脆，每块鳞都好似新鲜打开嘅薯片咁脆，但系个鱼肉又超嫩滑架㖞，实在令人惊奇佢点做到。连向来甚少食鱼嘅我同我老公，都认为呢个鱼处理得相当值钱。
而我老公就叫咗和牛，哗！个和牛好食必然啦，但系亮点系佢个椰菜花汁，劲级好味，好味到直头可以话做咗主角咁滞，有机会一定要嚟试。
9. 季节寿司
四件分别系赤身酱油渍、金目鲷、鲭鱼、穴子，咁嘅，穴子不嬲个质地我都麻麻，所以Skip，鰿鱼向来都系我至爱，金目鲷又系人都知佢有几出色，所以都可以Skip，我想讲嘅系赤身渍，我不嬲唔OK赤身，因为觉得好劲血腥味，但呢只赤身酱油渍完完全全冇呢只味，而且渍咗之后佢大大提升咗赤身嘅香味同郁香味，好食到想Encore 。
10. 脆饼意式雪糕
呢个甜品真系好离谱，好食到离谱。佢个朱古力脆脆，唔单止好食，配埋用Lotus饼干做成嘅意式雪糕，无论系一脆一软嘅口感，抑或嚟自朱古力同焦糖嘅超夹甜品，都令人食到停唔到口。而个生姜沙冰除咗可以增加𠮶种爽口感，仲带出咗味道层次嘅最高境界，令人食完个甜品都仲想继续食落去。真系十分圆满嘅一餐。
刺身鱼渍
7 浏览
0 赞好
0 留言
日本蚝
8 浏览
0 赞好
0 留言
季节刺身
9 浏览
0 赞好
0 留言
季节刺身（另一角度）
10 浏览
0 赞好
0 留言
北海道粟米油扬
7 浏览
0 赞好
0 留言
烟熏油渍萤乌贼
4 浏览
0 赞好
0 留言
烟熏油渍萤乌贼
5 浏览
0 赞好
0 留言
甘鲷立鳞烧
3 浏览
0 赞好
0 留言
季节寿司
3 浏览
0 赞好
0 留言
脆饼意式雪糕
2 浏览
0 赞好
0 留言
海胆多士
13 浏览
0 赞好
0 留言
张贴
