影片
更多
2018-07-14
131 浏览
今日放半昼，做完野就打算同左个大食同事一齐系附近叹返个late lunch见到呢间餐厅既装修几别致，set lunch唔贵唔洗加一，所以我地就拣左系到食lunch set有八款，同事要左set A既steak$138，我就睇中set G既焗意式香草芝士海鲜饭$78，大食同事惊唔饱，所以仲另外要左碟 炸鸡翼一齐shareset lunch 包左餐汤/自助沙律吧我地都拣左食沙律，选择有7-8款，仲有2种沙律汁可以拣食完沙律个主菜都好快黎到啦，同事既steak真系好大份，真系有足10安士！！！同事分左啲俾我食，虽然肉质未去到十分嫩淋，但食落无乜筋位，加上牛味都几浓，至少一定唔系俾d松肉粉乸到无晒质感既“牛扒”，味道都ok我既焗饭亦唔错，饭量适中，焗得热辣辣，个香草味好出好香，海鲜配料都有唔少，有成四只虾架个鸡翼一客有6大只，炸得脆身唔油，但食落唔干，keep到有肉汁同大食既同事食有个好处，就系想食多d款都唔怕会浪费我地见到佢地既cake都唔贵，只系$18-$22，所以都每人拣左款再share我地分别拣左 柚子cheesecake同黑芝麻cheesecake ~呢两款都系$22件估唔到件cak
见到呢间餐厅既装修几别致，set lunch唔贵唔洗加一，所以我地就拣左系到食
lunch set有八款，同事要左set A既steak$138，我就睇中set G既焗意式香草芝士海鲜饭$78，大食同事惊唔饱，所以仲另外要左碟 炸鸡翼一齐share
set lunch 包左餐汤/自助沙律吧
我地都拣左食沙律，选择有7-8款，仲有2种沙律汁可以拣
食完沙律个主菜都好快黎到啦，同事既steak真系好大份，真系有足10安士！！！
同事分左啲俾我食，虽然肉质未去到十分嫩淋，但食落无乜筋位，加上牛味都几浓，至少一定唔系俾d松肉粉乸到无晒质感既“牛扒”，味道都ok
我既焗饭亦唔错，饭量适中，焗得热辣辣，个香草味好出好香，海鲜配料都有唔少，有成四只虾架
个鸡翼一客有6大只，炸得脆身唔油，但食落唔干，keep到有肉汁
同大食既同事食有个好处，就系想食多d款都唔怕会浪费
我地见到佢地既cake都唔贵，只系$18-$22，所以都每人拣左款再share
我地分别拣左 柚子cheesecake同黑芝麻cheesecake ~呢两款都系$22件
估唔到件cake既份量都几大，唔系平日跟餐既迷你cake仔，仲要有咁精美既摆盘
两款cheesecake食落都好幼滑，又唔会过甜，$22件绝对值得一试！！！
朋友中意柚子味带有微酸，食落就清新啲；自已就中意芝麻味，食落香浓啲
同事跟餐饮柠茶，而我就加钱试下个水果茶，呢度既水果茶调得相当唔错，好香果味！食完件cake再饮啖热果茶，真系好叹
更值得一赞既系呢度既服务好好，店员个个都亲切有礼，态度殷勤友善，为呢餐加左唔少分！！睇返先知原来餐厅新开无耐，希望小店可以keep住呢份热诚
------------------------------
食物质素：🤤🤤🤤(5🤤最优)
价格水平：💰💰💰(5💰最贵)
环境装修：✨✨✨✨(5✨最好)
服务态度：🌟🌟🌟🌟🌟(5🌟最佳)
整体评分：❤❤❤❤❤❤❤(10❤满分)
是次评论及分数视乎进餐当天的品质而订，亦同为个人观感：）
------------------------------
张贴
