影片
更多
2020-08-19
949 浏览
约朋友，远远比平时自己饭餐，更追求大家餐饭嘅享受：环境享受、服务享受、气氛享受、连眼耳口鼻都系享受😂朋友主动介绍呢到嘅点心唔错，咁就约咗嚟呢到开餐，一来到已见几枱食客系附近，未有满坐情况，但位置系坐得几舒服，枱同枱之间隔距足够，落点心前见到点心纸，前后都系同一页，后尾知道原来酒店支持环保♻️所以点心纸设计系前后相同，印象都几深刻🥰👍🏻🌹海皇蜂巢芋角入口即化嘅感觉，酥化到唔使讲，钟意佢入面芋蓉十分绵密，摆入口酥皮+芋蓉味混埋，完全唔觉得好油腻，肉眼亦睇得出，外皮有隔油收油相隔段时间食第二件，依然仲系入口即化，好幸福嘅口感🌹蛋黄千层糕第二间食唔到！有椰丝、椰丝粒、咸蛋簧、奶黄、面包层咁千层搭法一嚟佢口感丰富、二嚟几种馅料味道非常合衬，甜品中不二之选，唔怪得朋友话呢样必食！好甜食者一齐要点嘅一味精致点心🌹鹅姐素粉果呢到鹅素粉果有麻油味道，馅料丰富有：萝卜丝、准山、带子粒、菇...等等，皮簿馅靓，味道我觉得可以，因麻油味比较重，个人口味上未到非常赞，不过粉果配辣油嘅话就一定加分，呢到嘅辣油有辣劲得嚟系真好好味👍🏻🌹翡翠鲜虾肠每只虾都非常大粒同爽口，一咬到虾仁「索索」声，食到些许麻油味，但好在佢皮
朋友主动介绍呢到嘅点心唔错，咁就约咗嚟呢到开餐，一来到已见几枱食客系附近，未有满坐情况，但位置系坐得几舒服，枱同枱之间隔距足够，落点心前见到点心纸，前后都系同一页，后尾知道原来酒店支持环保♻️
所以点心纸设计系前后相同，印象都几深刻🥰👍🏻
🌹海皇蜂巢芋角
入口即化嘅感觉，酥化到唔使讲，钟意佢入面芋蓉十分绵密，摆入口酥皮+芋蓉味混埋，完全唔觉得好油腻，肉眼亦睇得出，外皮有隔油收油
相隔段时间食第二件，依然仲系入口即化，好幸福嘅口感
🌹蛋黄千层糕
第二间食唔到！有椰丝、椰丝粒、咸蛋簧、奶黄、面包层咁千层搭法
一嚟佢口感丰富、二嚟几种馅料味道非常合衬，甜品中不二之选，唔怪得朋友话呢样必食！好甜食者一齐要点嘅一味精致点心
🌹鹅姐素粉果
呢到鹅素粉果有麻油味道，馅料丰富有：萝卜丝、准山、带子粒、菇...等等，皮簿馅靓，味道我觉得可以，因麻油味比较重，个人口味上未到非常赞，不过粉果配辣油嘅话就一定加分，呢到嘅辣油有辣劲得嚟系真好好味👍🏻
🌹翡翠鲜虾肠每只虾都非常大粒同爽口，一咬到虾仁「索索」声，食到些许麻油味，但好在佢皮搓得够薄够滑嫩，自己对呢款馅料虾仁麻麻，下次转成其他肠粉馅料可能会更好味😋但都系个句！呢到辣油要试，冇得输！辣油味本身比较重，配上鲜虾肠粉可加强野味，刺激兼好味
💋整体来讲，呢到环境唔错，坐位隔距又够阔落，装修感觉有中式传统熟悉感，灯光比较柔和，除咗适合同朋友饭聚外，都系个同家人食饭嘅好地方💃🏻最值得一赞嘅系呢到员工服务态度好好，会主动同食客沟通食物味道、甚至简单嘅对话交流，有种同朋友见面嘅亲切感，相信呢样嘢系呢间中菜馆留得住一班忠实食客嘅原因
🥳眼见中午都唔少食客会来聚餐，在这环境享受同朋友的倾谈、亲切服务、有心思的食物设计，呢餐饭食得比想像中来得更珍贵
张贴
