影片
更多
2021-04-06
2434 浏览
以往曾经系荃湾大鸿辉中心唱k同食过日式放题，都知呢到一向几旺场，餐厅都算多。今次试下呢间号称有火锅又有自助餐嘅餐厅，连加一$200几就食到，又真系几吸引。今次拣咗$188任食自助餐(升级刺身)+火锅，以呢个亲民价钱而言，餐厅嘅刺身同寿司选择比想像中丰富。刺身有三文鱼、鱿鱼、玉子、赤虾、带子等，每次可以拣三款。新鲜度不俗，而且切得尚算厚身。特别推介赤虾，有光泽又啖啖肉。寿司水准亦不过不失，值得一试。创意火锅配料拣咗芋香鸳鸯薯同火锅麻糬，两款都系主打甜味嘅丸类。前者食落似有馅版芋圆；后者则夹以黑芝麻馅，同汤丸有异曲同工之妙。意外地我又几接受到呢两款火锅配料。另一款惊喜火锅配料有高汤小笼包，坊间火锅店较少见，可惜外皮厚身咗少少。肉类主要拣咗美国谷饲肥牛同特级牛肩胛肉眼，两款肉嘅牛味较重，脂肪比例偏多，适合一众牛魔王。海鲜方面拣咗沙白同蚝肉，两款肉质都偏结实，蚝肉算系几肥美。App内选择唔算好多，反而自助区域选择较多，有炸物、沙律、各式火锅配料同甜品等。炸物分别拣咗薯格、薯饼、薯条、麦乐鸡同盐酥鸡，一次过满足炸物控嘅几个愿望，如温度上再热啲会更好。甜品同饮品区选择亦不少，甜品有唔同雪糕款式、奶
今次拣咗$188任食自助餐(升级刺身)+火锅，以呢个亲民价钱而言，餐厅嘅刺身同寿司选择比想像中丰富。刺身有三文鱼、鱿鱼、玉子、赤虾、带子等，每次可以拣三款。新鲜度不俗，而且切得尚算厚身。特别推介赤虾，有光泽又啖啖肉。寿司水准亦不过不失，值得一试。
创意火锅配料拣咗芋香鸳鸯薯同火锅麻糬，两款都系主打甜味嘅丸类。前者食落似有馅版芋圆；后者则夹以黑芝麻馅，同汤丸有异曲同工之妙。意外地我又几接受到呢两款火锅配料。另一款惊喜火锅配料有高汤小笼包，坊间火锅店较少见，可惜外皮厚身咗少少。
肉类主要拣咗美国谷饲肥牛同特级牛肩胛肉眼，两款肉嘅牛味较重，脂肪比例偏多，适合一众牛魔王。
海鲜方面拣咗沙白同蚝肉，两款肉质都偏结实，蚝肉算系几肥美。
App内选择唔算好多，反而自助区域选择较多，有炸物、沙律、各式火锅配料同甜品等。炸物分别拣咗薯格、薯饼、薯条、麦乐鸡同盐酥鸡，一次过满足炸物控嘅几个愿望，如温度上再热啲会更好。
甜品同饮品区选择亦不少，甜品有唔同雪糕款式、奶冻、啫喱同配料，推荐乳酪同绿茶味雪糕。
整体而言都系一间性价比唔错嘅火锅放题店，令人食火锅都有食紧自助餐嘅感觉。
张贴
