校長燒肉日韓料理 (觀塘廣場)

营业中

休息中

厂房同事黎香港参观, 参观完原本想去饮茶, 但同事想去食烧肉。即时谂起系观塘广场有一间 , 除左烧肉, 仲可以食火锅及自助餐, 饮品选择又多。一个价钱, 多个享受。而且价钱仲好抵。地点方便, 系观塘站的观塘广场15楼。5分钟内去到。午市由11:30已经开始, 我地拣左$188 (午市烧烤火锅自助餐) 任食2小时, 如果4个人仲可以任食4小时。 有烧肉, 刺身, 火锅。原来刺身要C款先可以享用, 职员会比定贴纸, 当你去拎刺身时就要比师傅睇。 之前都黎过, 抵食之余款式都多。而且火锅食物及烧物摆放整齐清洁，款式亦多。对面的饮品柜入面总类好多, 有小朋友中意既维他蜜瓜奶, 甚至啤酒 (仲要喜力),火锅汤底自己取, 有辣有唔辣, 我地拣左猪骨汤底。而烧肉一开炉就可以立即开动, 我地大约12点去到, 未到LUNCH HOUR人流未算多, 但一到12点半起, 顾客都开始多了。主打烧肉火锅的餐厅, 刺身都有惊喜, 记得要带贴纸先有得拎。刺身都有5款, 最爱的三文鱼亦系食了3转, 新鲜而且肥美。烧肉的汁类好多, 包你一款啱你点, 猪五花系我地食得最多, 肥瘦均匀, 慢慢烧慢慢食, 不经不觉食左唔少。