川味美食

营业中

休息中

米线控又嚟介绍米线喇😆今次呢间川味美食大家应该好熟悉，因为佢有好多间分店遍布香港😆但真系入去试我都系第二次，今次我地就试左佢嘅捞粗薯粉，听讲薯粉系健康过米线😏我地分别嗌左萝卜麻辣猪耳响铃捞粗薯粉（小麻辣)，首先讲下佢个酱汁麻麻地好香口好开胃，而薯粉唔会好硬，好烟银同个麻辣perfect match!!!!萝卜好甜好淋，麻辣猪耳味道唔错，唔会好辣，但有啲厚身，如果切薄啲啲就更好了😚而另一碗我地嗌左鸡肉丝猪腩肉海带捞粗薯粉(小麻辣)，猪腩肉都几好食，味道有少许辣，佢仲有另一个自制辣酱可以俾你随便落，落一小匙羹仔就味道刚刚好了，如果唔食得辣嘅朋友仔可以落几滴试下先😬😬😬我地嗌左支黑豆浆，埋单都系100咋！正！