新曼谷泰國菜館 (已結業)

喺尖沙咀好少有咁大个食肆铺，装修都有啲旧，应该做咗好耐，未食过试下。有公司饭堂感觉，好得意，menu都多选择，我拣咗猪颈肉炒河，同事拣咗冬阴功，lunch 包特饮，有红豆冰，龙眼冰……，价钱都几亲民。冬阴功先到，闻倒酸多过辣，除咗有虾，菇……正常料之外，仲有鸡脚，真系估佢唔倒，虾有5只，真系好足料，至于我个炒河，河粉唔系幼身一条条，系粗身一块块，除咗有猪颈肉外仲有云耳同芥兰，面有蛋，蛋系后加上去，所以无炒河嘅味。虽然称唔上高质，但啲呢个地段呢个价钱可以坐得咁宽敞真系好难得。