影片
更多
2009-03-29
47 浏览
今日难得放假，点都要俾自已既胃口享受下。咁就同几个老友去左呢度食，呢间都好巴闭，唔订位都唔知要等几耐。而且订左位都剩系帮你hold一个字，所以book左位都要准时呀。另外，佢地会有食野既限时，一般都系一个钟头三个字。我地三个叫左两个餐，金船长芝士汉堡、焦糖炖蛋同火焰雪山。餐汤分别系罗宋汤同忌廉汤。个罗宋汤都有浓郁既蕃茄味，但料就唔算太多。而忌廉汤就唔错，个汤好够味同好浓。绝对唔系"面粉"汤。牛仔肉呢个唔错既，肉够淋之余，肉味又够。而且又唔会太熟或者太生，不过配菜既薯条就唔系太热，可能系炸左薯条既缘故啦。辣肉酱天使面个份量都几多，肉酱酸酸地几开胃。而天使面又唔会太淋又唔会太硬，可见整天使面要相当既技巧。话明辣肉酱，就应该辣辣地。点知唔食得辣既美女都唔觉得辣，可见个名有......金船长芝士汉堡绝对好食过某连锁快餐店。个汉堡虽然唔算大份，但制作好认真。个牛肉都几大旧，肉质juicy。而配菜既薯条系新鲜炸起，卜卜脆，好好味呀。焦糖炖蛋呢个系冻食既，个蛋味好够，而且好滑。美女话热食既都唔错，但面头既糖胶可能会溶哂。而俊男话想享受炖蛋既美味，应该糖胶面轻敲一下，糖胶同炖蛋一齐食先最好食。可
餐汤分别系罗宋汤同忌廉汤。个罗宋汤都有浓郁既蕃茄味，但料就唔算太多。而忌廉汤就唔错，个汤好够味同好浓。绝对唔系"面粉"汤。
牛仔肉呢个唔错既，肉够淋之余，肉味又够。而且又唔会太熟或者太生，不过配菜既薯条就唔系太热，可能系炸左薯条既缘故啦。
辣肉酱天使面个份量都几多，肉酱酸酸地几开胃。而天使面又唔会太淋又唔会太硬，可见整天使面要相当既技巧。话明辣肉酱，就应该辣辣地。点知唔食得辣既美女都唔觉得辣，可见个名有......
金船长芝士汉堡绝对好食过某连锁快餐店。个汉堡虽然唔算大份，但制作好认真。个牛肉都几大旧，肉质juicy。而配菜既薯条系新鲜炸起，卜卜脆，好好味呀。
焦糖炖蛋呢个系冻食既，个蛋味好够，而且好滑。美女话热食既都唔错，但面头既糖胶可能会溶哂。而俊男话想享受炖蛋既美味，应该糖胶面轻敲一下，糖胶同炖蛋一齐食先最好食。可见香脆既糖胶同香汤既蛋系缺一不可既。
火焰雪山呢个甜品唔系太多地方有得食，侍应将酒点火，做出火焰雪山既效果。美男想捕捉火焰，不过佢捕捉火焰前，火焰已经无左啦。佢话咁样好可惜。而我觉得蛋白好好食既，但蛋白唔够脆。食左蛋白好耐，先食到朱古力蛋糕同云呢拿雪糕。朱古力蛋糕都好好食，雪糕就好普通啦。唔知点解，会有哈蜜瓜粒。俊男、美女同我都认为呢个甜品麻麻地，我地都系贪得意先食。
整体上，食物都唔错既，服务都有番咁上下。侍应成日帮我地加水，我去洗手间既路系比较滑，侍应们叫我地小心。呢说话都唔知有几何会听到，唔好睇小呢说话，呢关心既说话令我留下好深刻既印象。俊男同美女都话呢度食物同服务都唔错，但环境就细左。虽然系咁，但我觉得间野太大会好难管理，而家都ok既。我地三个认为除左美味既食物外，可以一齐谈下天下大事，呢样野先重要。
张贴
