Su Casa (已搬遷) 新店位置

周末晚上与友人到访，失望离开。🤥食物：杂菜汤及蒜茸包、青口蒜香罗勒扁意粉、烟三文鱼芦笋意大利饭、冻菠萝奇亚籽绿茶【优点】- 餐厅好大间，可以任拣位，座位好松动- 餐厅准备极多小礼物照顾儿童，眼见有蜡笔画画、汽球、扭蛋，侍应亦非常主动关心小朋友，十分适合想衬食饭休息下嘅父母🫡【缺点】- 餐厅客人唔多，但主菜上菜速度比预期慢- 超港式西餐风格：🥣杂菜汤好浓「茄膏味」🍝扁意粉第一碟不能接受，系烚青口+蒜粒+三色椒+烚意粉，反映过后侍应坚持换第二碟，第二碟见得返罗勒叶，少咗唔关事嘅三色椒，但味道依然一般🍚意大利饭变成白汁汤饭，烟三文鱼全熟混入汤饭中🍹饮品用奇亚籽本应系想sell健康(?)，但太多菠萝酱，极甜【小结】埋单人均一百七十，各人有各自标准，呢个价钱配呢个食物质素，唔系亲子嘅我就不接受了。