紅茶冰室

营业中

休息中

近排系某区群组，红茶相当出位，追捧要到该区开店；我好好奇，所以今日沙田返工前就碌去红茶，尝个味。无记错间间红茶都系依个款既类似装修，全个舖头卡位居多。侍应人手都几充足，繁忙早餐时间都唔需要话等落单；地方都干净，加入依间红茶都唔系开左几耐，整体来讲都好新净。早餐唔算选择好多，不过不失啦！如果计全日早餐，价钱唔算好贵；其他餐就正常价钱啦！最后叫左个双拼粉面E餐，餐肉煎蛋米配走甜冻柠茶。份量正常，米粉唔算多，煎蛋有两只，算系咁；餐肉方面就，正正常常啦！但系如果可以煎耐少少🤏🏻咁就好啦！同埋餐肉唔算厚切，但起码唔系薄如卡，都系不过不失系列。柠檬茶方面我就觉得茶底还可以，但略嫌淡口左D，茶味明显唔系好够。