影片
更多
2024-10-29
789 浏览
iq题，星期日边度最多印度人，答案就系印度。但系如果讲人口比例，呢间素食餐厅都拍得住印度，多同乡就系好食既代名词。统计学会有偏差，所以二访就会增加准绳度。结果系一样咁多人而且一样咁好味。 🍖小食叫咗Pani Puri系薄脆波波，上次叫过一个差唔多，但系入边放咗乳酪嘅脆波，但系因为挂住影相，之后食𠮶啲唔够脆，今次醒左，叫咗一种自己加酱嘅，口感唔只保持到，酱汁嘅多少亦都可以自己调配。 🍖跟住叫咗酸甜酱three pepper cottage cheese。呢种健康嘅芝士，口感有啲似豆腐，配合中式嘅酸甜酱，有新鲜感得黎，又有啲熟悉嘅感觉。 🍖跟住就嚟个西式配搭，Bombay Burger。用薯仔打成嘅蓉，调上适量嘅香草同辣味，夹喺松软嘅面包入面，成为一个汉堡包，虽然冇咗肉类嘅口感，但系又配合得相当唔错。仲有芝士蘑菇串烧，睇上去劲似烤鸡，但系食落完全两回事，尤其呢个芝士，非常柔软，而且香浓，配合清新嘅蘑菇，绝对冇烤鸡𠮶种啖啖肉嘅罪恶感。抄返上面𠮶句，两者都系有新鲜感得黎，又有啲熟悉嘅感觉。 🍖不过我最后梗系叫返啲比较传统既印度野。Bhatura系好传统嘅一个包，佢膨胀成为一个中空嘅波，热辣辣，
🍖小食叫咗Pani Puri系薄脆波波，上次叫过一个差唔多，但系入边放咗乳酪嘅脆波，但系因为挂住影相，之后食𠮶啲唔够脆，今次醒左，叫咗一种自己加酱嘅，口感唔只保持到，酱汁嘅多少亦都可以自己调配。
🍖跟住叫咗酸甜酱three pepper cottage cheese。呢种健康嘅芝士，口感有啲似豆腐，配合中式嘅酸甜酱，有新鲜感得黎，又有啲熟悉嘅感觉。
🍖跟住就嚟个西式配搭，Bombay Burger。用薯仔打成嘅蓉，调上适量嘅香草同辣味，夹喺松软嘅面包入面，成为一个汉堡包，虽然冇咗肉类嘅口感，但系又配合得相当唔错。仲有芝士蘑菇串烧，睇上去劲似烤鸡，但系食落完全两回事，尤其呢个芝士，非常柔软，而且香浓，配合清新嘅蘑菇，绝对冇烤鸡𠮶种啖啖肉嘅罪恶感。抄返上面𠮶句，两者都系有新鲜感得黎，又有啲熟悉嘅感觉。
🍖不过我最后梗系叫返啲比较传统既印度野。Bhatura系好传统嘅一个包，佢膨胀成为一个中空嘅波，热辣辣，外脆内软，单单咁食已经不得了，再加埋鹰嘴豆嘅咖喱酱，又有另一番风味。我钟意呢种简单直接嘅处理，最自然嘅味道又系最佳嘅配搭。
配合埋开心果奶昔，同冻拉茶，全部𩠌菜同我哋嚟一次嚟都唔同，但全部都依然咁好味。
张贴
