甜品堂 (已結業)

上一餐食得唔饱，唯有周围揾甜品食啦，咁岩揾到甜品堂，见到装修好特别，即刻入去重温一下中学的感觉。入面摆满左中学时期嘅枱、椅等，连餐牌都好似手册，我同朋友都影咗好耐相先记得叫野食。事关我哋都好钟意食朱古力嘅关系，我叫左朱古力拼盘，友人就点朱古力疏乎厘，疏乎厘因为即整嘅关系，要等大约15分钟。基本上朱古力甜品应该系好稳阵嘅，但系好可惜，总有啲意外发生..... 朱古力雪糕冇乜特别；朱古力布甸唔会太甜又充满朱古力味，朱古力迷实中意，但系最简单嘅布朗尼就出事啦⋯⋯食得出牛油同朱古力嘅比例拿捏得唔系咁好，太重牛油味，反而朱古力味就欠奉，因为太唔好食嘅关系、最后食净左个布朗尼 友人嘅朱古力疏乎厘，比起一部iPhone大，里面有朱古力酱，淡味的疏乎厘配上浓味的酱，每一啖都充满朱古力味，但系分量太大啦，食到一半已经饱，建议可以两个人分享。