六両三 (鉅利大廈) (已結業)

去完会展，想食台湾嘢，就过咗嚟呢间。好耐冇食过，今日再试吓。装修充满台湾感觉🤣。叫咗碗牛肋条面，因为本身唔钟意食筋，所以钟意就咁嗌肉类。可以加钱配小食，如果唔系既话每样都想食嘅时候就眼阔肚窄食唔晒。$82牛肋条幼面面+$5麻辣汤＋$8溏心蛋＋$8卤甜不辣＋$10台湾香肠加钱要咗麻辣汤，糖心蛋，甜不辣，香肠。每份小食都有三至四块，性价比高。糖心蛋超级流心，甜不辣有口感，香肠煎得好香。本身钟意食幼面条，觉得个幼面煮得几好，唔会淋晒。个汤底好浓郁，一上枱已经闻到好香。牛肉份量都好多，大概有四至五条，啖啖肉。跟餐+$10 白桃岛龙（无糖）跟餐加$10好抵，有原个茶包，白桃香味浓郁。$23 蜂蜜柠檬唔系得柠檬糖浆，有两片柠檬，感觉呢一餐冇咁邪恶。$38咸酥鸡小食叫咗个盐酥鸡，仲有九层塔，有种去咗夜市嘅感觉，盐酥鸡都揸得脆卜卜。跟餐+28 荔液满白峰另外而家跟餐可以加个甜品，呢个净系个名都好有诗意🤣。有滑嘟嘟嘅仙草，云呢拿雪糕，大大粒三种口味芋圆，仲有荔枝味爆爆珠，一咬落去荔枝嘅香味爆出嚟。