鴻發餐廳小廚

营业中

休息中

其实好似第二次清醒黎食鸿发，次次饮醉都唔知佢系咩味，但发觉佢啲野其实好重味，好啱食，啲小炒又有镬气👍🏻潮州野唔洗讲，份量足，唔似出面啲铺咁小气，份量细。本身想食大眼鸡，点知得返啲大，都要$300条，唔系个个朋友都食，所以叫条乌头就算；乌头出晒油，无泥味，出乎意料咁好食又滑👍🏻蚝饼就差少少，蚝肉唔多够👌🏻最出色系炒蚬，粒粒啲肉胀卜卜，无沙，仲要无离壳，食咁多间，价钱同份量都非常之高，食过咁嘅价钱 $95通常得十粒八粒，再加一堆青椒，翠玉瓜黎炒就算，鸿发算系好足料👍🏻👍🏻整体非常好，连酒水人均$200头左右👌🏻抵食又好食。