喜．喜點 (已結業)

2月28日, 是晚约咗朋友喺天后食饭, 相约咗食呢间点心, 呢度嘅好处系点心可以逐件叫, 咁我地3个人就唔驶下下每笼凸一件, 仲可以跟各自喜好去点~::: 豉汁蒸排骨饭套餐 :::套餐包括小菜、白饭同老火汤~ 老火汤似系一盅一盅咁炖, 够晒火喉~ 入口都几清甜, 应该冇落味精嘅, 料有黄瓜同瘦肉咁, 都几足料, 除咗屋企饮到嘅汤, 呢度嘅都唔错~蒸排骨上枱, 其实同一笼笼咁上冇分别, 只不过系转咗碟上同份量大d~ 排骨偏肥味道则较淡, 调味虽然健康但系都未免太轻手. 要赞系个份量多到2个人食都可能觉得太多~::: 虾饺 :::虾饺好涨, 用料丰富, 食到啖啖爽弹虾肉, 个皮唔厚得嚟亦唔黏口, 唔错~::: 烧卖 :::烧卖同样都好足料, 几大粒, 虾肉爽口d猪肉馅都好够味~::: 棉花鸡 :::棉花鸡较淡, 虽然猪皮索晒d汁, 但系都唔见得猪皮好有味... 鸡肉可能蒸得太耐, 肉地颇嚡, 无甚惊喜之余亦都唔好食...::: 椒盐豆腐 :::豆腐脆口好惹味, 尤其刚炸起𠮶种香口感, 好热气但系好吸引~ 豆腐本身冇乜味, 但系加咗椒盐, 点埋个喼汁就味十足美味~::: 煎萝卜糕 :::萝卜