川之源

营业中

休息中

同事话想食川菜， 于是揾间靠近港铁站嘅餐厅。 餐厅位于西营盘正街， 由西营盘站大约行三分钟就到。餐厅装修平实，但人情味丰富。二人套餐蒜泥白肉酸菜鱼酸辣土豆丝桂花冰蒜泥白肉， 味道同一向食开的蒜泥白肉唔同， 蒜味非常香浓， 猪肉又嫩又滑， 好似食紧黑豚肉火锅咁， 好食。酸菜鱼， 我地试中辣， 避免大辣太劲食唔到， 第一啖饮汤， 酸味强过辣味， 感觉有d奇怪。 点知原来酸菜鱼有after taste, 饮多2啖汤后， d辣味就黎啦， 虽然唔系好辣， 但真系好好食。 鱼肉又白又滑， 非常新鲜嫩滑， 入口就滑入喉咙。酸辣土豆丝， 土豆丝好爽口， 好似萝卜丝咁， 味道清甜。桂花冰， 好香嘅桂花清香， 整出黎有一粒一粒的方块， 好得意。原来个套餐系跟桂花冰或汽水， 我地无留意就已经叫左汽水，食完后问餐厅女士， 可以上甜品， 佢2话不说就比左我地， 之后先讲返汽水甜品二拣一，我地谂住唔要， 但佢话唔紧要， 最紧要食得开心。