西城東北菜

营业中

休息中

行完西环𠮶头嘅打卡海旁🌊，经过见到呢间特色东北菜馆，算系香港比较少见嘅菜式，而且选择超多，主食同埋小炒都有。餐厅装修都大有来头，喺店入面起咗个凉亭卡位，而且仲有包厢，就算一班人嚟都唔惊！系店员嘅态度都值得一赞，几热情而且几好招呼，有种独有嘅人情味～🍲◖东北大鹅炖酸菜◗ $198东北菜一定要叫一大锅嘅炖菜，呢个锅入面有鹅碌、酸菜同粉条，份量都唔细，适合二至三个分享！鹅碌唔算太多，但肉质都几紧实，配上酸菜食，酸酸哋唔会觉得漏～🥓◖东北锅包肉◗ $138猪肉片蘸上粉浆拎去炸，炸过嘅粉浆烟烟韧韧，捞上酸甜酱汁，就咁当前菜几开胃，或者送饭都唔错！🥟◖羊肉饺◗ $62一份有10粒，每粒饱满肉馅好大粒，一咬落去会爆汁，羊肉嘅臊味啱啱好，系大众都接受到嘅口味🥘◖东北疙瘩汤◗ $58第一次试疙瘩汤，好大碗，质感比较黏糊糊，见到入面有啲面团糊，然后加咗生菜、木耳，口感烟烟韧韧，仲可以饮埋个汤，几特别味道都唔错！