上海豆漿大王

营业中

休息中

小妮子身为九龙人，难得入到黎屯门揾朋友，点知朋友有野做要晏D先得闲，咁就揾个地方食个tea hea住等啦行经呢间豆浆大王，见到有几个人大热天时系条街到等位，又热又系马路隔离咁多废气，心谂系咪真系咁好食呢，因为佢门面其实真系唔起眼，甚至有点儿up dup，睇下佢个餐牌，价钱非常亲民，真系依家少之又少既小店于是我都等埋一份，由于我得一个所以好快就等到，坐左系门口附近，其实唔系几够冷气，而且D位都几迫，不过坐落都可以既叫左个咸豆浆、粢饭，咸豆浆唔系周围都有，但呢到既咸豆浆系非试不可，非常足料，而且系好好味，一种好传统既味道，D咸虾仔加上油炸鬼配埋浓浓既豆浆，真系好正！！而粢饭亦都系好足料，唔会好硬而且系真系热既，原来系即叫即整，真心好难得应该系小店既关系，多数都系街坊熟客，舖头既姐姐都会同客人讲笑，而又因为舖头其实好细，姐姐又大声，所以大家都会听到佢讲笑，令到成间餐厅既人都一齐开怀大笑，好似一个大家庭一样呢到虽然店里店外都比较残旧，坐位好迫好窄，但系价钱亲民，食物水准高而且有一份非常浓厚既人情味，令我觉得好感动，值得再三回味，如果我之后黎屯门一家会再黎呢间小店，希望到时唔会已经变左连锁店！