十一冰室 (已結業)

早几日去咗湾仔行街𠮶阵，谂住揾啲嘢食下啦就上左OpenRice揾啦，就见到呢间十一冰室就系呢附近，咁我哋就决定就去试下la。见佢铺头同埋啲嘢食都几吸引，咁其实佢舖头好易揾，入到去啲侍应都好好招呼咁，安排左我哋坐咗对街嘅两个位度。咁我哋一个就拣咗个牛柳粒意粉嘅午餐，一个就叫一个炸脾薯角嘅下午茶。另外加左一个三条ge腐皮卷，饮品就拣左冻朱古力咖啡同佢新出嘅秋天特饮雪梨水。佢啲嘢都系新鲜整，所以都等左一阵咁，但系呢都见佢出𠮶啲嘢食好新鲜热辣，同埋好有诚意。最令人惊讶系牛柳粒意粉啲意粉系有炒过仲有啲菜添！啲牛柳粒份量都好充足，食得好满足。而个炸脾好大份，食落脆卜卜。咁最尾𠮶两杯饮品都好唔错，雪梨水真系好滋润，又足料，而个朱古力咖啡都好香好有朱古力味。我觉得系湾仔食到呢个质素嘅餐厅都真系唔多，所以有机会可以去试吓㗎！