孖寶 (已結業)

呢间餐厅，其实我嚟过几次，今日收工临时同同事约食饭，所以不加思索就嚟咗呢度。餐厅其实唔算大，但位置方便泊车。因为食过好多次，叫你叫佢都系自己食开𠮶啲，今次就问职员有冇推介，佢强推margherita pizza。我本身听到冇特别兴趣，但问得就即管试吓。虽然呢个Pizza冇肉，但真系好食到原始传统嘅Pizza，芝士味好浓，成个配搭都好惹味。小食叫咗个烤蜜糖鸡翼，啲蜜糖拉丝㗎，甜甜地好好味。我哋另外仲叫咗个西班牙黑毛猪架，好大块！肉质够嫩够juicy！因为喺边一set，所以包咗一个金笋包、南瓜汤同埋嘢饮，我哋拣咗杯桂圆红枣茶，虽然系茶包，但系都好浓郁，有意外惊喜。