泰中意 (已搬遷) 新店位置

过咗外国读书几年终于返咗香港，超级劲挂住呢间嘅泰式无骨海南鸡饭，以前呢间小店喺显径，我住喺附近，所以成日去食，每次都系食海南鸡饭…佢嘅海南鸡饭真系好好味，皮爽肉嫩，又有鸡味，配埋三款特色酱汁加埋个香茅油饭一齐食真系好正去到外国食唔返，一直都觉得好回味…返嚟香港知道佢哋搬咗去马鞍山当然要再去食佢哋嘅海南鸡饭啦…见到老板娘两母女仲系度，竟然仲认得我实在窝心佢哋嘅海南鸡一啲都无变，仲系咁好味，我一定会过嚟食，除咗海南鸡好味，仲有人情味都十分紧要