華南冰室 (已結業)

有朋友嚟香港玩几日想食菠萝油，我哋咁啱经过深水埗就入咗呢间冰室，因为见佢比较怀旧。入到去坐低觉得时空停留左系八九十年代般，因为系平日下午茶时段，所以好多街坊嚟帮衬，食客一路睇报纸倾计一路食，相当享受慢活生活。店员好亲切，会同熟嘅街坊倾计， 又会知道佢哋想叫d咩食物。我地叫咗一个鲜菠萝油share。本身好期待，但食落发觉一般。因为菠萝油唔够热，入面块牛油好似啱啱喺雪柜拎出嚟放入包入边咁，如果菠萝包热d令牛油溶化会好食好多，菠萝包表面亦都唔够脆，所以连外国朋友都话有啲失望。至于奶茶就同普通茶餐厅无异，够滑够浓。