團團圓圓 (已結業)

上facebook有post介绍观塘开咗间台湾店，所以就同朋友相约去试下食啦。原来餐厅开咗喺瑞和街街市附近，又唔近大马路，所以唔系上网讲我都唔会发现呢个位开咗间小店添。呢日我地下午两点钟，人客唔多，得两枱食客用餐。楼面得一位阿姨同婆婆负责，落单个时婆婆会慢慢咁写低你食咩，然后送餐收钱都系佢㖞，佢不时都会同你倾两句，所以只有喺呢类小店先感觉到满满嘅人情味。我试咗一碗卤肉饭（细）加一碗三色芋圆姜母茶。卤肉份量略少，味道唔太正宗，但咸咸地易送饭。至于糖水我觉得值得一试！姜茶对女孩子身体好，又唔太辣易入口，加埋芋圆之后，甜甜地会中和返！