團團圓圓 (已結業)

Discovered this joint because I was eating nearby and visiting the cute stationery shop next to it.At first I thought it was a Taiwanese dessert shop but they also do Chinese lunches where you get to pick two or three dishes with rice.I was actually there for dessert but as I haven't had lunch I decided to try the food as well.They had Taiwanese mince, chicken and spare ribs.Went for the Taiwanese spare ribs which turned out looking like thin pork chops that came out of the microwave.The colour

初初入去之前未有客 不過細鋪仔 又位處偏僻 小本生意 都正常不過咁 冇乜人唔代表冇好野可以話係隱世台灣甜品都不為過吖首先係好好食既仙草同芋圓($28)觀塘少見 好正! 整體黎講唔甜 好香奶味 自選既四款配料 分別揀左紅豆,綠豆,西米同蓮子! 本身都係本住試下既心態 估唔到又意外既好食! 芋圓好有味度 又唔會過硬,岩岩好,估唔到可以咁好食對於一個食厭左啲西式甜品同對比同區啲水準唔高又貴既甜品鋪呢間絕對係觀塘街坊既福音$22 金莎合桃糊 面頭加左合桃粒粒 口感好似金莎既外層咁 冇改錯名 有新鮮感 $15芝麻糊 同 $20合桃糊都好好食 好香 唔會有沖水既個種一舊舊未溶哂既口感老闆娘又nice 又會好詳細友善咁解答你問題下次再過黎

因為太想食芋圓所以特登行左10分鐘行上來食個甜品！呢間台灣野都幾多野食，做街坊生意，價錢合理。叫左一個養顏芋圓同一個雜錦仙草芋圓！養顏果個好真材實料，一d都唔甜！桃膠份量都幾多好健康，芋圓彈牙，可能冇加糖所以味道唔似出面食既甘甜，但真係實料！雜錦就味濃點，又有蓮子，紅豆，珍珠 唔錯唔錯！ 一個人食岩岩好唔會太多 推介！

今天同E朋友食個生日下午茶，係雜誌見到介紹呢間台式料理，都想試好耐，雜誌照片照得不錯；不過實物份量就比較少。叫左個鹽酥雞拌麵、台式香腸、柑桔檸檬、紅豆薏米、雪耳芋圓；雞炸得比較乾，得7舊左右，不過有驚喜既係拌粗麵十分有咬口，肉燥味道不一錯，而且一點也不油膩，肥肉亦少。其他食物不過不失，有台灣味道，想念台灣的朋友，不妨試試☺️。芋圓數量很少，跟雜誌照片有出入店舖是自家經營，所以一腳踢，沒有什麼人招呼，無論落單、煮食，等待既時間略長。地點亦算方面，一直由地鐵站行到上頂就到。店內位置不多，如果午餐晚市可能要等位。

穿觀塘瑞和街街市，搵到呢間食台灣嘢嘅小店，叫團團圓圓，顧名思義台式芋圓、甜品當然唔少得，其次滷肉飯、鹽酥雞、煎蛋餅…呢度都有。晚飯過後去食，就試咗佢哋嘅香芋仙草芋圓，可選配紅豆、綠豆、珍珠、薏米、小丸子、西米同埋蓮子，任揀四樣。夾埋香芋同芋圓，加埋香草底，即係一份就可以食到七樣嘢…勁多！味道雖然就唔係話特别驚喜，食得出幾有心機整，唔似坊間有啲味道咁假。不過溫馨提示：如果大家選擇堂食就要留意，始終附近係街市，而且對面正正有個「廢物中央處理中心」，環境就點都有影響。如果大家想食甜品同朋友吹下水，落雨天就記得諗清楚先好去。

約左兩個friends黎試食，見間舖岩開張，所以冇咩特別期望，但因為口痕想食芋圓，就點都要黎食下。我地係午飯之後既時段黎，可能係平日既關係，冇咩人，唔洗等位。我叫order左個養顏圓圓，幾好食！但個份量有d少。我欣賞佢材料幾豐富，唔會得兩三樣。有桃膠，紅棗，龍眼，雪耳，芋圓。芋圓口感唔錯，有咬口，個人中意大粒d，如果可以整大粒d會更好食。呢個係我個friend叫既，賣相唔錯，仲有小丸子，幾吸引。會再光顧

上facebook有post介紹觀塘開咗間台灣店，所以就同朋友相約去試下食啦。原來餐廳開咗喺瑞和街街市附近，又唔近大馬路，所以唔係上網講我都唔會發現呢個位開咗間小店添。呢日我地下午兩點鐘，人客唔多，得兩枱食客用餐。樓面得一位阿姨同婆婆負責，落單個時婆婆會慢慢咁寫低你食咩，然後送餐收錢都係佢喎，佢不時都會同你傾兩句，所以只有喺呢類小店先感覺到滿滿嘅人情味。我試咗一碗滷肉飯（細）加一碗三色芋圓薑母茶。滷肉份量略少，味道唔太正宗，但鹹鹹地易送飯。至於糖水我覺得值得一試！薑茶對女孩子身體好，又唔太辣易入口，加埋芋圓之後，甜甜地會中和返！

見到最近好多社交網站都有介紹呢一間餐廳，新開嘅台灣野，黎開觀塘就順便黎呢度食下野，但係呢到吾近地鐵站，都需要行10分鐘左右但係都好易搵到。我哋大約11點幾黎到，芋圓嗰啲要下午先至有得買，就唯有食下其他野啦！秘製滷肉飯$30：都好細碗下，一個人食完都好似吾夠飽甘，但味道不過不失啦香酥雞塊麵$40：都係好細碗，但雞塊都算嫩口，同埋呢種麵都個口感都幾得意同埋好少見煎蛋餅（玉米、煙肉）$25：煎得好薄，裡面既玉米同煙肉都好少，好吾滿足，相對都有啲貴整體黎講，食物做得吾差，但份量比較少，對比起價錢吾算平

星期六, 我同朋友收工, 見到有新鋪開左, 食客唔多, 就諗住去試下啦環境裝飾都唔錯, 但係員工就唔多似有, 家庭式作業, 有老有嫩落單有點混亂, 等左好耐, 終於有野食上枱但係我點左鹽酥雞飯, 點知只比鹽酥雞小食叫佢換返, 又再等過到正式食, 點知味道偏淡, 朋友的香酥排骨, 同埋滷肉飯都係無乜味咁就試埋個糖水啦，至尊養顏圓圓, 即係有芋圓, 地瓜圓, 紫薯圓但係味道都係唔夠突出, 又唔夠煙韌, 亦都係偏淡鍾意淡味嘅人可能覺得唔錯, 但係我地呢d濃味人就唔太喜歡啦

😳 食貨已衝：觀塘新開台式餐廳。✨團團圓圓🌕🙋🏻‍♀️✨介紹新開賣相望落幾靚就先試：「香芋仙草凍」😅👉🏻$28可自由選四配料，配料有「芋圓、小丸子、珍珠、 蓮子、花生薏米、 紅豆」🤤👉🏻仙草底溝埋忌廉奶🥛同有兩舊香芋仔‼️🤭👉🏻 賣相係幾好，點知，對不起，性格比低🤦🏻‍♀️好細碗！樣樣料都係數得到份量，小得可憐，基本未食到咩味就無哂了！🙈只能說很普通，溝埋個奶陣味重怪怪地‼️‼️🤦🏻‍♀️不值$28 ，份量少康瑞一半有多😰😰另外：👉🏻Loop⏩鹹食系列都不太好吃：1. 蛋餅：自選配料兩樣$28餅皮好乾，料超小，重無乜味，唔值🙈2. 鹽酥雞肉燥飯：$40 份量算係唔小，但個雞炸到勁乾勁硬，唔太好吃🙈🙈蛋係正常雞味😅3. 肉燥拌麵🍝$40 （大）：係用刀削麵，但食得出係平野，完全無彈牙口感，好淋🙈肉燥味亦唔好吃😟😟😟failed‼️新店初營，人流唔多，樓面生手，但都無乜服務，餐具🍴要叫一樣先黎一樣🤭🤭試過就算，沒有encore 的理由______________________

觀塘少見的有誠意小店，路經見新店，於是一試！先黎個肉燥飯，豬肉新鮮，所以只是輕輕調味已好香，滷水蛋入味但依然唔硬！經已好耐無食過呢個質素！ 😋😋同行點左個香酥排骨飯，排骨鬆軟入味！有驚喜！另加個台灣烤腸，味道不錯，且勝在足份量！🤗🤗最 後happy ending黎個甜品，叫左個燒仙草雜錦圓圓，內有紅豆丶蓮子丶薏米丶珍珠丶花生（當然有芋圓），由於個人係芋圓追棒者🤭🤭，所以一食就確認係手工制出品超愛！！！由於本人有嚴重濕疹，掂味精即爛！😓😓但試上述出品後，濕疹位置全無反應，證明肯定無味精！😄😄希望佢地 keep住水準啦！🤓🤓特別提示：店舖在街市上面丶齋鋪隔離！