祥景茶餐廳 (已結業)

回到儿时住过的良景，好多野已经变哂。唯有不变就系祥景茶餐厅。星期日既下午全场爆满，甚至开始要等位，好在黎得早，有个卡位坐下。友人推荐必试沙嗲牛肉公仔面既午餐。而亦有d茶餐厅午餐之选。牛肉腍、酱入味、面刚好。沙嗲汁捞埋d公仔面汤真系一流，不禁都饮多几啖！跟餐仲要面包同炒蛋。面包系提子包有d特别。杯鸳鸯够浓，奶茶咖啡配得刚刚好。特别要求要茄子排骨饭，餐牌无既，但待应哥哥都特别写比我地，茄子同排骨都超多，够味又唔太咸，好正！特别一提，祥景有自己既饱点部，好多特别/怀旧包点。岩岩好食完有新鲜出炉蛋挞，就算好饱都要整返件啊！曲奇饼底，蛋又够香，$5@1！