噹噹冰室

营业中

休息中

小店好有人情味，我头先同两老去食午餐，老板娘认得我，跟住就同我讲：「好耐冇见呀！今次想食咩？」我就答佢睇下餐牌先。我同爸爸坐低后，睇到午餐餐牌都有好多选择。爸爸叫咗个猪扒意粉，我就叫咗全份智利三文鱼扒同妈妈分享。两碟意粉嚟到之后，一向多弹少赞嘅爸爸都话猪扒好味，我就同妈咪系咁话三文鱼扒皮脆肉嫩又入味，配鳗鱼汁真系一流。另外不得不赞老板娘好好人。妈咪话想要多少少鳗鱼汁，佢即刻去厨房问老板拎成支任我地加。埋单嘅时候，我地两母女都赞佢地啲嘢好好食，老板娘即刻好开心话：「咁我地下次再见吖！」放心啦老板娘，一定有下次！我下次会带埋老公、阿女同工人姐姐嚟食。