江記

营业中

休息中

依家熟食市场买少见少，趁天气未热前，本来想去前排杂志介绍嘅米线铺朝圣，不过，佢都系冇开门。行吓行吓，我被江记档口𠮶个甚有气势嘅红色大字牌匾吸引左。平时茶楼饮茶，我可以一个人食晒成碟凤爪，系典型嘅凤爪痴。今次我就嗌左一碗凤爪云吞面。凤爪煮得非常入味，又够腍，腍到应该冇牙都食到。上海菜肉云吞味道就冇乜惊喜，不过，我几钟意佢够细细粒，一啖就可以吞晒。面底系比较少有嘅上海幼面，极之烟韧，难得冇碱水味。面配有雪菜，啲雪菜唔会太咸。值得一提嘅系，一路食，一路感觉到𠮶种小店嘅人情味。阿姐同好多食客都有讲有笑。至于我呢啲新丁食客，阿姐都好热情咁招待。阿姐好细心咁讲解大碗同小碗有几大分别，又教我点样可以叫餐牌以外啲双拼呀，几拼嘅配搭。