影片
更多
2007-09-02
9 浏览
上左黎Openrice差唔多三个月，但冇一间餐厅值得我去写一个食评，所以一直都系做ROM。见到网友讲呢间野抵夹好食，今日又咁岩出开观塘买野，就顺便同朋友去试下。上到去街市四楼，非常冷清，唔少铺都冇开或者执左笠。一行到埋去，老板娘就笑笑口咁问我地几多个人，之后仲主动帮我地倒水。果度环境认真唔系几好，D凳系酒楼果种，但黑哂，有洁癖既我望落唔多舒服，如果唔系有人话好食，我真系费事黎。我地大约16:00先到，唔想食太饱，我净系要左个冬荫公汤少辣，朋友要左个湿炒鸡河。过左一阵，我个汤就送上黎，$35都几大锅，用煲仔饭果D锅装住，望落材料十足，感觉良好。饮落第一啖，哗！乜咁辣既！但再饮多啖，先发现D汤唔系咁辣，只系热。第一次见冬荫功汤有咁多只虾，D虾好爽口，好惊喜菇唔系草菇，怪左少少仲有好多番茄，要搞掂成镬汤都用左半个钟到。朋友个河粉上面有D胡椒粉，怪怪地朋友话个粉味道OK咋㖞。好味同抵食都系其次，最抵赞系呢间野既人情味老板娘会主动同我地倾计，佢好健谈，同佢倾计好舒服同埋真系睇得出佢系好用心去经营间餐厅，好多野都系自己亲手做，唔系净识坐系度收钱果D。咁好食，咁抵食，咁有人情味既一餐泰国菜，成为左我
见到网友讲呢间野抵夹好食，今日又咁岩出开观塘买野，就顺便同朋友去试下。
上到去街市四楼，非常冷清，唔少铺都冇开或者执左笠。
一行到埋去，老板娘就笑笑口咁问我地几多个人，之后仲主动帮我地倒水。
果度环境认真唔系几好，D凳系酒楼果种，但黑哂，有洁癖既我望落唔多舒服，如果唔系有人话好食，我真系费事黎。
我地大约16:00先到，唔想食太饱，我净系要左个冬荫公汤少辣，朋友要左个湿炒鸡河。
过左一阵，我个汤就送上黎，$35都几大锅，用煲仔饭果D锅装住，望落材料十足，感觉良好。
饮落第一啖，哗！乜咁辣既！但再饮多啖，先发现D汤唔系咁辣，只系热。
第一次见冬荫功汤有咁多只虾，D虾好爽口，好惊喜
菇唔系草菇，怪左少少
仲有好多番茄，要搞掂成镬汤都用左半个钟到。
朋友个河粉上面有D胡椒粉，怪怪地
朋友话个粉味道OK咋㖞。
好味同抵食都系其次，最抵赞系呢间野既人情味
老板娘会主动同我地倾计，佢好健谈，同佢倾计好舒服
同埋真系睇得出佢系好用心去经营间餐厅，好多野都系自己亲手做，唔系净识坐系度收钱果D。
咁好食，咁抵食，咁有人情味既一餐泰国菜，成为左我第一个食评。
张贴