影片
更多
2024-04-18
190 浏览
久违嘅人情味，睇完医生揾早餐食，见好耐无嚟过呢间烧味茶餐厅，就入去食。未入门口，只是在门外睇吓餐牌，阿姐已好有礼貌招呼：「食咩呀？有早餐，饭都有得食架喇，入嚟坐啦」坐低，叫个B餐，鸡扒出前一丁，餐跟方包及火腿煎蛋，饮热奶茶，我问阿姐：「唔想食火腿，要煎双蛋得唔得？」阿姐爽快回应：「得得得，无问题呀」然后落单俾水杯，枱面有热水，台打开柜桶有餐具，纸巾。1分钟，热辣辣嘅奶茶送上，未至于惊为天人，但奶茶控嘅我绝不失望，香、滑、茶味都有，唔错呀。落完糖，煎双蛋+方包及鸡扒一丁已到，普通的大众食物，没什么好评，够热，干净，面唔会太淋太硬，鸡扒唔系炸，系煎，满意的。环境虽小，只容2-30人的小店，但满满人情味，进食途中，唔少公公婆婆入嚟买嘢，有位婆婆回叉烧饭+菜几钱，阿姐话$39+$22，婆婆话加两条菜咁贵架，阿姐同烧味师父异口同声话，等15分钟丫，11点厨房帮你整个菜远叉烧饭，平啲。今时今日嘅香港，如果每一个人都好似你两位咁，将来一定会好。
未入门口，只是在门外睇吓餐牌，阿姐已好有礼貌招呼：「食咩呀？有早餐，饭都有得食架喇，入嚟坐啦」
坐低，叫个B餐，鸡扒出前一丁，餐跟方包及火腿煎蛋，饮热奶茶，我问阿姐：「唔想食火腿，要煎双蛋得唔得？」阿姐爽快回应：「得得得，无问题呀」然后落单俾水杯，枱面有热水，台打开柜桶有餐具，纸巾。
1分钟，热辣辣嘅奶茶送上，未至于惊为天人，但奶茶控嘅我绝不失望，香、滑、茶味都有，唔错呀。落完糖，煎双蛋+方包及鸡扒一丁已到，普通的大众食物，没什么好评，够热，干净，面唔会太淋太硬，鸡扒唔系炸，系煎，满意的。
环境虽小，只容2-30人的小店，但满满人情味，进食途中，唔少公公婆婆入嚟买嘢，有位婆婆回叉烧饭+菜几钱，阿姐话$39+$22，婆婆话加两条菜咁贵架，阿姐同烧味师父异口同声话，等15分钟丫，11点厨房帮你整个菜远叉烧饭，平啲。
今时今日嘅香港，如果每一个人都好似你两位咁，将来一定会好。
张贴