咖啡賞館

营业中

休息中

而家好似培养左放假去cafe hea下嘅习惯，而香港不同类型嘅cafe都愈开愈多，心中有个cafe list要慢慢试晒佢地！今次试下呢间browny,唔熟荃湾嘅朋友仔揾佢真系要花啲时间啊！去到发现原来有三间cafe连住！佢系最角落嘅，相对上细间啲！铺头入面就得几个bar台位，铺外嘅位相对多。好好彩地唔洗等就有位！叫左最爱嘅cappuccino！再见到佢啲cake个样唔错，叫左个培茶芝麻蛋糕。cappuccino好快就黎左喇，咖啡味道香浓幼滑。之后个cake都黎埋，觉得芝麻味有啲太抢，佢日日蛋糕嘅味道都唔同，下次想试下个桂花蛋糕！坐坐下，发现出面台台都食烟，铺内一有位即刻入番去。坐bar台虽然讲唔到密计，不过正正同铺头职员好近可以学下咖啡小知识！咁岩有个客人试紧新咖啡，仲分享左比我地试下，就系中意呢份小店先有嘅人情味同人与人之间嘅沟通！