影片
更多
2020-01-17
338 浏览
呢日屋企得我同我细妹，冇人煮饭，决定落楼下附近揾食，之前朋友话呢间德国菜都唔错， 谂左阵我哋就决定去试下。可能楼下太多食肆餐厅，呢度都唔算太多人，虽然门面好似连锁店，但内里感觉上有啲小店feel。因为我同细妹一齐一定唔会食得多，所以净系叫咗个德国猪手，一杯rosee同一杯honey peer。德国猪手系切件上，冇咗好震撼嘅效果，但胜在够方便，唔使自己砌。猪皮够脆，肉质都够滑唔系鞋口，食到埋尾可能猪皮疏咗气就有啲硬。 佢嘅配菜，酸菜同薯仔沙律，都唔差，可以中和返猪手嘅油腻感。Rosee啲泡好快散晒，我都唔觉得自己系饮紧啤酒，几甜下。Honey peer 冇大牌子嘅雪梨茶咁甜，感觉上较健康，好似自制咁。我同细妹系第一次帮衬，但见到侍应同其他客人好似好熟络，可能系熟客，佢哋有倾有讲感觉上人情味好浓厚，系小店特色。
可能楼下太多食肆餐厅，呢度都唔算太多人，虽然门面好似连锁店，但内里感觉上有啲小店feel。
因为我同细妹一齐一定唔会食得多，所以净系叫咗个德国猪手，一杯rosee同一杯honey peer。
德国猪手系切件上，冇咗好震撼嘅效果，但胜在够方便，唔使自己砌。猪皮够脆，肉质都够滑唔系鞋口，食到埋尾可能猪皮疏咗气就有啲硬。 佢嘅配菜，酸菜同薯仔沙律，都唔差，可以中和返猪手嘅油腻感。
Rosee啲泡好快散晒，我都唔觉得自己系饮紧啤酒，几甜下。Honey peer 冇大牌子嘅雪梨茶咁甜，感觉上较健康，好似自制咁。
我同细妹系第一次帮衬，但见到侍应同其他客人好似好熟络，可能系熟客，佢哋有倾有讲感觉上人情味好浓厚，系小店特色。
张贴
