Greyhound Café (新城市廣場) (已結業)

1. 食物质素 good，好味有惊喜，但部份定价过高。鲜虾炒金边粉$128 ：呢个价钱份量太少了，得四只虾，少少粉，再多三份之一就差不多。味道正常，略嫌唔够热。泰式香烧原只鱿鱼筒$98 ：好味新鲜又大只，烧得够香，又唔会韧，外皮干身，内里 juicy , 点埋辣汁仲正，必食之选。泰式烧牛肉沙律$158 ： 价格有点抢钱，无奈又好想食，有钱就是任性。好彩味道系唔错的，牛肉唔会鞋飒飒，沙律新鲜好味。而且牛肉多过沙律，都值回少少票价。2. 服务冇乜，好难先揾到人俾 menu / 落单 / 加水，每次都需要沿途拦截。隔离枱走左好耐都冇人清理，都啱嘅，横掂做唔切最好做少几个客。见到人手系唔够的，个个侍应都已经快手快脚。虽深表同情，但无奈侍应小姐会对客会黑面，亦只好俾低分，希望餐厅可以改善。3. 上菜次序完全乱晒，先上炒金边粉，再隔一阵就鱿鱼，最后先系烧牛肉沙律.........4. 本来想食埋甜品加饮野，但见个雪柜啲蛋糕好似摆咗好耐咁，加上侍应又咁忙，都系转场算了。