Honbo (已結業)

新城市Honbo 喺三期近希尔顿出口，L型舖头放咗十张到十二张二人四人枱，喺新城市广场黎讲，真系蚊型舖一间。Honbo 昔日喺湾仔食过，既然扩张入到黎沙田，咁梗系去试吓。顾名思义，honbo 当然主打汉堡包。亦可能系蚊形舖关系，佢哋餐牌只有七八种包既配搭拣，主要都系要一片定两片汉堡同配菜 ； 最基本既Classic Burger 连薯条可乐价钱就$138； 百几蚊既汉堡等左四个字上菜，Burger 只系微暖，幼身既薯条仍然系脆，不过都差唔多冻晒了。现场唯一既外籍女侍亦有讲「对唔住」。。不过，就冇做任何野补救。咁就百几蚊食冻包，行多步食麦记都应该都有热野食。星期六新开张竟然人手不足，吾关厨房吾关𠮶位女侍应事，系公司人手投入既问题。星期六你都吾请够人手，个汉堡个薯条新鲜整出嚟再好味，摆冻晒先上俾客乜都冇用喇。