阿元來了 (鴻圖道)

营业中

休息中

阿元裝修以老台灣背景作賣點，花咗好多心思，令你感覺身處台灣偏遠小鎮一樣，絕對係打咭熱點。已去阿元幾次都係想食佢嘅羹飯。我本人好鍾意食羹飯，但食咗幾間暫時都係得佢最近似台灣原味道。另外魯肉飯都係家人所愛，大碗配有半隻鹵蛋。細細碗，易入口今次再試咗海鮮煎，芝士蕃薯丸，大雞扒，皮蛋豆腐同鹽酥雞等小吃，海鮮煎因為蕃薯份嘅份量比較多，食少少都好脹胃。反而蕃薯丸質感唔錯。皮蛋豆腐賣相有點似嘔吐物，但家人說味道亦不錯。飲品方面，除咗某八款飲品如烏梅汁，楊桃汁等跟飯係$11杯，其他如珍珠奶茶🧋都係廿幾蚊杯。但飲品比坊間茶店質量絕對高幾班。總括來說，味道近似台灣原味道，價錢就當然係身價大增。人手方面非常充足，上菜好快，侍應亦算有禮、有耐性。而家無得飛又想回味一下，都算係唔錯嘅選擇。