阿元來了 (鴻圖道)

营业中

休息中

阿元装修以老台湾背景作卖点，花咗好多心思，令你感觉身处台湾偏远小镇一样，绝对系打咭热点。已去阿元几次都系想食佢嘅羹饭。我本人好钟意食羹饭，但食咗几间暂时都系得佢最近似台湾原味道。另外鲁肉饭都系家人所爱，大碗配有半只卤蛋。细细碗，易入口今次再试咗海鲜煎，芝士蕃薯丸，大鸡扒，皮蛋豆腐同盐酥鸡等小吃，海鲜煎因为蕃薯份嘅份量比较多，食少少都好胀胃。反而蕃薯丸质感唔错。皮蛋豆腐卖相有点似呕吐物，但家人说味道亦不错。饮品方面，除咗某八款饮品如乌梅汁，杨桃汁等跟饭系$11杯，其他如珍珠奶茶🧋都系廿几蚊杯。但饮品比坊间茶店质量绝对高几班。总括来说，味道近似台湾原味道，价钱就当然系身价大增。人手方面非常充足，上菜好快，侍应亦算有礼、有耐性。而家无得飞又想回味一下，都算系唔错嘅选择。