NUMBER 8 FUSION BURGER

营业中

休息中

就咁睇名，会以为佢净系食burger。其实佢系一间印尼菜。根据美食网页揾到呢一间大坑餐厅，原来系主力做”到会”服务，幸好现场都有少量座位，而且系有冷气嘅。水滴汉堡当然系佢嘅主力之一，咪睇佢细细份，原来食落都几饱。不过食完我会觉得佢嘅主力其实系唔同嘅调味酱。听呢度个姐姐讲，舖头其实有千几呎，而厨房入边就系工场，即时煮出唔同嘅调味料。汉堡嚟讲，芝麻酱同柚子酱都相当不错。更加特别嘅，系佢嘅印尼沙律。辣辣地又好清新，我最钟意系青瓜同花生。个酱好明显系自己整，唔系买返嚟。我哋仲叫咗印尼小食拼盘。同泰国菜嘅串烧唔同嘅系…都系酱！芭东酱同森巴酱好味到可以用嚟点薯条。最后一定要提佢杯柚子梳打，柚子新鲜到不得了，十足新摘落嚟嘅水果。