豚王 (已搬遷) 新店位置

***短评(安照豚王张点心纸去评)︰味道浓度︰拣「普通」，基本上冇拣错，但始终要再与其他选择配合先知。香味油份量︰拣「普通」，但已觉很多油，未知系汤底的油定系佢所指嘅香味油，拣「少」会较合适。蒜蓉份量︰拣「普通」，基本上唔多觉有蒜香，不过枱面系有生蒜比大家加，如想唔蒜/劲蒜，后加会安全啲。叉烧︰拣「要」。葱︰拣「要」。秘制味噌︰拣「普通」，佢有几秘制我真系食唔出，因为拣普通都唔系好FEEL倒味噌嘅味道。面的软硬度︰拣「普通」，佢系用类似寿桃牌嘅拉面，属幼身，拣「硬」会好啲。***总评︰十点半去到，前面已经有约十几人，但总算食倒头轮，唔系就要再等多十五至二十分钟。排紧期间，人龙已经增至四十几五十人。拉面制作时间约十分钟，汤的热度未算爆表，唔驶吹都可以入口，但原来「豚王味」都系辣辣地，比佢阴咗。所谓秘制味噌唔系好FEEL倒，可能真系秘密制作到我都FEEL唔倒。同时汤底重油脂，怕油者可能会却步。叉烧虽然腍但唔够肥及香，亦因为太腍而有少少霉嘅感觉。黑木耳又系腍，又系比佢阴咗。面底拣咗「普通硬度」，但感觉太软，不敢想像拣「超软」会系点。如果唔驶挂餐死，行入去就食，都仲食得过，但如果要排到「I d