影片
更多
2022-10-30
718 浏览
Bookmark咗呢度好一阵时间，对我同狗狗嚟讲，呢度都有少少山长水远架，交通费都唔平。最初一直以为呢度只系一间茶餐厅，点知入到嚟，真系吓咗我一跳乜呢度地方咁大既？？仲有羊、有鸡、有草地，好正呀！我、狗狗爸爸同狗狗入咗室内食嘢。嚟到时都热，虽然室内的冷气唔系好大，不过环境好cozy，坐咗一阵，个人静番落嚟，就完全唔觉得热，仲越坐越舒服添。好欣赏餐厅除咗准狗狗入室内坐之余，餐厅职员/负责人仲同我哋讲话唔使将狗狗留喺宠物车上，可以俾佢周围行下，一啲都唔拘谨。餐厅的精选一定系厚切午餐肉煎蛋辛辣面，不过我同狗狗爸爸冇点，而系叫咗日式汉堡咖喱饭同日式冷乌冬，仲有一杯冻朱古力。餐牌上有2款食物系为毛孩而设：鳄鱼肉冬甩（好似）同爆谷，唔贵，每款$38。不过因为嚟之前唔知有dog's menu，所以我哋带定食物俾狗狗，变咗冇得试添。日式汉堡咖喱饭上台时冒晒烟，热辣辣，好啱秋冬呀！不过要小心果2块汉堡系芝心，饀料特别热，狗狗爸爸心急，食一啖先知太热，要摊一阵先好食呀！咖哩好惹味，个饭软硬适中，好味。日式冷乌冬配料比较少，有少量京葱、海草、粟米同一只细size的生蛋。乌冬应该系一个面量，份量唔系好够，如果
我、狗狗爸爸同狗狗入咗室内食嘢。嚟到时都热，虽然室内的冷气唔系好大，不过环境好cozy，坐咗一阵，个人静番落嚟，就完全唔觉得热，仲越坐越舒服添。好欣赏餐厅除咗准狗狗入室内坐之余，餐厅职员/负责人仲同我哋讲话唔使将狗狗留喺宠物车上，可以俾佢周围行下，一啲都唔拘谨。
餐厅的精选一定系厚切午餐肉煎蛋辛辣面，不过我同狗狗爸爸冇点，而系叫咗日式汉堡咖喱饭同日式冷乌冬，仲有一杯冻朱古力。餐牌上有2款食物系为毛孩而设：鳄鱼肉冬甩（好似）同爆谷，唔贵，每款$38。不过因为嚟之前唔知有dog's menu，所以我哋带定食物俾狗狗，变咗冇得试添。
日式汉堡咖喱饭上台时冒晒烟，热辣辣，好啱秋冬呀！不过要小心果2块汉堡系芝心，饀料特别热，狗狗爸爸心急，食一啖先知太热，要摊一阵先好食呀！咖哩好惹味，个饭软硬适中，好味。
日式冷乌冬配料比较少，有少量京葱、海草、粟米同一只细size的生蛋。乌冬应该系一个面量，份量唔系好够，如果当系下午茶都ok，但lunch的话，我觉得唔够饱。至于味道方面，佢系少调味，以食原味为主。不过，我觉得味道清淡都可以，只系个乌冬煮得唔系好稔，有些少硬（唔知同冻食有冇关？）。我觉得可以改为冷乌冬跟面豉汤，配中华沙律，可以收贵少少，令味道丰富啲，份量足够啲。
冻朱古力有啲淡，唔算香浓。
餐厅的职员/负责人非常友善、有礼，难得一见。时值万圣节，职员/负责人出嚟派糖俾每台客人，佢见到狗狗，就话等阵再俾啲啱食的狗狗食，冇耐佢就攞住一大盒狗饼干俾狗狗食，而且佢仲唔介意狗狗食到好疯狂（好似我哋平时冇喂佢咁），不停keep住送上饼干。。。狗狗食咗劲多。。。
香港真系冇乜地方系咁宠物友善架，嚟到呢度，就唔系用美食作为评分的基础，呢度绝对值得推介俾各位狗主，上水对好多人的确系遥远咗啲，但值得既~~
张贴
