滬點 (已結業)

今日上网揾紧湾仔有咩好嘢食之际，见到呢间上海餐厅都有唔少好评，点知去到未够七点，已经有人等位😯😯😯好在等咗唔算好耐，好快都到我哋了！小笼包$48/4 个，皮薄馅靓，一夹起身唔会漏汤汁出嚟，所以个皮做得好好👍🏻👍🏻呢度嘅牛肉饼都系必点之一，$36/2 件，饼身金黄外脆，一咬落去啲汁爆晒出嚟，超正😋😋😋火腿津白$94，金华火腿甘香，配上淡淡的津白一齐食刚刚好👍🏻👍🏻炒鳝糊$96，用韭黄一齐炒好香口，肉质爽口，而且味道唔会太咸，酱汁亦都唔会做到太杰身，👍🏻👍🏻总结：今日系平日都全场爆满，呢间湾仔小店生意相当唔错，价钱适中，唔会太贵！原来呢度可以订枱，咁下次嚟就唔使排队喇！