餃掂手工餃子雲吞專門店

钟意食饺子嘅饺控们可能都食过呢间饺子店，佢哋越开越多分店，近排发现屋企附近都就嚟开😍 今次去咗中环店，试咗两款饺子，仲有云吞，饺子大大只，好有满足感！🔸至尊松茸猪肉饺 $80（8只）呢度嘅招牌饺，必叫！虽然比其他款式饺子贵，但用料靓同好足料，都值呢个价！松茸饺汤饺跟咗一碗状元九鼎汤，饺子系灼熟，汤另上，所以饺子皮仍然保留到个烟韧度，唔会腍晒！猪肉馅好多，食到啖啖松茸味，感觉好健康又够饱！点埋松茸酱一齐食更加滋味！个汤感觉比另一间分店淡啲，浓啲更好饮～🔸香煎软心芝士饺 $58 （7只）呢度嘅芝士煎饺都好好味！食到好多芝士🧀，入面仲有粟米增加口感！饺子皮煎得香脆，又唔算好油腻👍🏻🔸重庆鲜肉云吞 $44 （12只）拣咗小辣，云吞系细细只，馅有猪肉同木耳，加埋辣辣地嘅汤一齐食，几惹味！🔸上汤松茸时蔬 $35食得健康啲叫咗个菜，菜心大大条，几鲜甜～ 🔸蜂蜜柠檬薏米水 $28/支足料好饮，微甜，加咗柠檬几开胃～