影片
更多
2024-09-13
411 浏览
2024年9月11日 星期三今日一放工之后就出去咗尖沙咀行街，因为实在系太大压力，需要行街发泄一下沿途经过加拿分道，见到呢一间面包店长期都大排长龙，虽然知道好多地方都有分店，但一直都冇机会排队尝试，好奇心驱使之下决定排一排队试吓佢嘅面包排队期间见到玻璃柜摆满咗各式各样嘅包点，大部份都好吸引，而且不断有供应，价钱都唔算太贵，仲几大嚿添，搞到我都唔知拣咩食好，最后我点咗一款挞即刻食，另外再要咗三个包拎返屋企呢一个开心果挞见到店舖系新推出嘅，用咗近期大热嘅开心果，我一见到已经急不及待拆开嚟食，卖相完全可以用嚟打卡，千层挞嘅酥皮好香脆，咬落去仲见到一层层嘅酥皮，焗得啱啱好，里边嘅蛋浆融合咗开心果酱，每一啖都食到开心果味，再加上上面洒上嘅开心果碎，令到口感更加丰富，真系食到停唔到口之后我再买咗抹茶红莓松饼，净系睇外表已经知道个松饼充满抹茶味，咬落去完全食唔到抹茶嘅苦涩味，反而有一种清香，配埋红莓粒一齐食更加滋味，冇谂过红莓同抹茶都几配合，加上个松饼焗得好松软，就算过咗几个钟拎返屋企食，味道都一样唔错呢个系芋泥麻糬包，即系外表都整得好精致，整到成朵花咁，咬落去系浓郁嘅芋泥加麻糬，够晒烟靭，而且芋泥
今日一放工之后就出去咗尖沙咀行街，因为实在系太大压力，需要行街发泄一下
沿途经过加拿分道，见到呢一间面包店长期都大排长龙，虽然知道好多地方都有分店，但一直都冇机会排队尝试，好奇心驱使之下决定排一排队试吓佢嘅面包
排队期间见到玻璃柜摆满咗各式各样嘅包点，大部份都好吸引，而且不断有供应，价钱都唔算太贵，仲几大嚿添，搞到我都唔知拣咩食好，最后我点咗一款挞即刻食，另外再要咗三个包拎返屋企
呢一个开心果挞见到店舖系新推出嘅，用咗近期大热嘅开心果，我一见到已经急不及待拆开嚟食，卖相完全可以用嚟打卡，千层挞嘅酥皮好香脆，咬落去仲见到一层层嘅酥皮，焗得啱啱好，里边嘅蛋浆融合咗开心果酱，每一啖都食到开心果味，再加上上面洒上嘅开心果碎，令到口感更加丰富，真系食到停唔到口
之后我再买咗抹茶红莓松饼，净系睇外表已经知道个松饼充满抹茶味，咬落去完全食唔到抹茶嘅苦涩味，反而有一种清香，配埋红莓粒一齐食更加滋味，冇谂过红莓同抹茶都几配合，加上个松饼焗得好松软，就算过咗几个钟拎返屋企食，味道都一样唔错
呢个系芋泥麻糬包，即系外表都整得好精致，整到成朵花咁，咬落去系浓郁嘅芋泥加麻糬，够晒烟靭，而且芋泥整得好幼滑，仲成口都系芋头嘅香味添，同一时间个包整得好松软，食完都唔觉得好饱滞
最后仲要咗个伯爵忌廉芝士贝果，一咬落去充满伯爵茶香味之余，仲食到满满嘅忌廉芝士，冇谂过伯爵茶同忌廉芝士都可以咁夹，而且个贝果上面仲洒满咗燕麦增加口感，期待下次再嚟呢一间店舖尝试其他唔同嘅包点！
张贴
